“ЭРДЭНЭТ ҮЙЛДВЭР-45” Эрдэм шинжилгээний хурлын “Эрдэс боловсруулалт, металлурги” салбарын шилдгүүд тодорлоо

Монгол улсын баатар “Эрдэнэт үйлдвэр” ТӨҮГ-ын 45 жилийн ой, “Эрдмийн уурхай” боловсролыг дэмжих сарын аяны хүрээнд зохион байгуулагдсан “ЭРДЭНЭТ ҮЙЛДВЭР-45” Эрдэм шинжилгээний хурлын хоёр дахь өдрийн “Эрдэс боловсруулалт, металлурги” салбар хуралдаан 2023 оны 09 сарын 15-ны өдөр “Эрдэнэт цогцолбор” дээд сургуульд амжилттай зохион байгуулагдаж өндөрлөлөө. 

Шүүгчдийн бүрэлдэхүүнээр:

• Шинжлэх ухааны академич, Шинжлэх Ухаан Технологийн Их Сургуулийн Геологи уул уурхайн сургуулийн зөвлөх профессор, Шинжлэх ухааны доктор Ц.Нанзад (Sc.D)
• “Эрдэнэт цогцолбор” дээд сургуулийн зөвлөх профессор, Шинжлэх ухааны доктор Ж.Баатархүү (Sc.D)
• Шинжлэх ухааны доктор Л.Дэлгэрбат (Sc.D)
• “Эрдэнэт үйлдвэр” ТӨҮГ-ын Ил уурхайн дарга, Техникийн ухааны доктор Д.Нямдорж (Ph.D)
• “Эрдэнэт үйлдвэр” ТӨҮГ-ын Ерөнхий геологич, Техникийн ухааны доктор Д.Алтанхуяг (Ph.D)
• “Эрдэнэт цогцолбор” дээд сургуулийн захирал, Техникийн ухааны доктор Д.Зоригтхүү (Ph.D) нар ажиллалаа.

Тэргүүн байранд “Эрдэнэт үйлдвэр” ТӨҮГ-ын, ШУТИС-ийн харьяа “Эрдэнэт цогцолбор” дээд сургуулийн багш Л.Ундраа “Эрдэнэт үйлдвэр” ТӨҮГ-т ашиглагдаж буй тээрмийн хуягийн шинэ материал гаргаж авах судалгааны үр дүн” сэдэвт илтгэлээр;

Дэд байранд “Эрдэнэт үйлдвэр” ТӨҮГ-ын Чанарын хяналтын хэлтсийн Химич инженер доктор С.Одончимэг (Ph.D) “Алтны агуулга тодорхойлох эко дэвшилтэт аргачлал боловсруулах судалгаанаас” сэдэвт илтгэлээр; 

Гутгаар байранд “Эрдэнэт үйлдвэр” ТӨҮГ-ын, ШУТИС-ийн харьяа “Эрдэнэт цогцолбор” дээд сургуулийн ахлах багш Б.Оюун “Эрдэнэт үйлдвэр” ТӨҮГ-ын баяжуулах үйлдвэрийн хаягдлыг   керамикийн үйлдвэрлэлийн үндсэн түүхий эдээр ашиглах судалгааны үр дүн” сэдэвт илтгэлээр тус тус шалгарч өргөмжлөл, мөнгөн шагналаар шагнагдлаа.

Шинжлэх ухааны академи, Шинжлэх ухаан технологийн их сургууль, Монгол улсын их сургууль, “Эрдэнэт үйлдвэр” ТӨҮГ-ын бүтцийн нэгжүүдийн төлөөлөл болон хувийн хэвшлийн байгууллагуудын төлөөллүүд Геологи, уул уурхай, Эрдэс боловсруулалт, металлурги, Нийгмийн хариуцлагын үр дүн, цаашдын зорилт сэдвийн дор хоёр өдөр ийнхүү чууллаа.