3 дах удаагаа зохион байгуулагдсан DXCUP 2024 тэмцээнд Япон улсын 22 баг, Монгол улсын 35 баг 2 сарын хугацаанд бүтээл болон бизнес санаагаа хөгжүүлэн өрсөлдсөн билээ. Тэмцээний сүүлийн шатны шалгаруулалт 12 сарын 9-ний өдөр Blue Sky Hotel-н Jade танхимд зохион байгуулагдаж Эрдэнэт цогцолбор дээд сургууль -н “Erdenet divers” баг замын эвдрэл илрүүлэх, жолоочийн нойрмоглолт таних хиймэл оюун ухааны шийдлээр оролцож шилдэг 10-н багийн нэгээр шалгарлаа. Тус тэмцээнд МТ-4 ангийн оюутан А. Жаргалмаа, МТ-3 ангийн оюутан Г.Солонго, Б.Төгөлдөр нар баг болон оролцож, Эрчим хүч мэдээллийн технологийн тэнхимийн дэд профессор А. Түвшинжаргал удирдан ПТК-ийн багш Б.Нарангарав хамтран ажиллалаа.
Мөн тус нойрмоглолт мэдрэх системийг уул уурхайн технологийн тээврийн жолоочийг унтаж осол гаргахаас сэргийлэх зорилгоор шууд хэрэглээнд нэвтрүүлэх боломжтой гэж үзлээ.
Замын эвдрэл гэмтлийг тодорхойлж өгөгдлийн бааз үүсгэснээр зам засварын ажлын төлөвлөлтийг оновчлох боломж бүрдэх юм.
Энэ үеэр JICA Mongolia -н төлөөлөгч бидний хийсэн ажлыг онцлон сонирхож, зөвлөгөө өглөө.
Зохион байгуулагчдын зүгээс тус системээ хөгжүүлж бизнес болгох хурдасгуур хөтөлбөрт хамруулах талаар санал тавилаа.
Богино хугацаанд Хичээл зүтгэл гарган амжилттай оролцож ШИЛДЭГ 10 БАГ-ИЙН нэгээр шалгарсан “Erdenet divers” багтаа халуун баяр хүргэж цаашдын эрдэм номын их үйлсэд нь өндрөөс өндөр амжилт хүсье.
Амжилттай зохион байгуулсан DX Mongolia-н хамт олонд талархал илэрхийлье.
