Зорилго

“Эрдэнэт үйлдвэр” ТӨҮГ-т шаардлагатай, хэрэгцээтэй боловсон хүчнийг бий болгох, хадгалах, хөгжүүлэх, хөгжлийн бодлоготой уялдуулан удирдлагаар хангадаг, бодлого тодорхойлдог зөвлөлдөх бүтцийг бүрдүүлж ажиллах, хүний нөөцийн хөгжлийн чиглэлээр “Эрдэнэт цогцолбор” дээд сургуулийн оролцоог тодорхойлох.

Үүсэл хөгжлийн тойм

Үйлдвэрийн газрын алсын хараа, эрхэм зорилго, үнэт зүйл, бизнес төлөвлөгөөг хэрэгжүүлэхэд шаардлагатай хүний хөгжлийн оновчтой бодлогыг боловсруулж, хүний хөгжлийг эрхэмлэн, хүний нөөцийн өгөөжийг дээшлүүлэх, хөгжүүлэх зорилгоор (“Эрдэнэт үйлдвэр” ТӨҮГ-ын тогтвортой хөгжлийн цогц бодлого баримт бичгийн 1.3 заалт) Ерөнхий захирлын 2018 оны 03 сарын 22-ны өдрийн А/226 дугаар тушаалаар Хүний хөгжлийн төв байгуулан үйл ажиллагаагаа явуулж байна.

Үйл ажиллагааны чиглэл

“Эрдэнэт үйлдвэр” ТӨҮГ-ын бүтцийн нэгжийн нийт ажилтнууд, Орхон аймаг, бүс нутгийн иргэд, аж ахуй нэгж, байгууллагын хүрээнд хүний хөгжлийн 10 гаруй төрлийн сургалтын шинэ хөтөлбөрийг бий болгон хэрэгжүүлж байна.

1. Байгууллагын соёл- хүний хөгжил (8 цаг танхим, цахим)
2. Харилцаа- хандлага (8 цаг танхим, цахим)
3. Сэтгэлээ удирдах ухаан (8 цаг танхим, цахим)
4. Гэр бүлийн боловсрол (8 цаг танхим, цахим)
5. Хэрэглээний программ ( анхан, дунд, гүнзгий, 8 цаг танхим, цахим)
6. Илтгэх урлаг  (8 цаг танхим, цахим)
7. Ээжийн боловсрол (8 цаг танхим, цахим)
8. Ахмад ажилтнуудад зориулсан (8 цаг танхим, цахим)
9. Яриа, бичгийн соёл (8 цаг танхим, цахим)
10. Чанарын менежментийн тогтолцоо. Шаардлага MNS ISO9001:2016 стандарт танилцуулах сургалт (8 цаг танхим, цахим)
11. Чанарын менежментийн тогтолцоо. Шаардлага MNS ISO9001:2016 стандартыг хэрэгжүүлэх сургалт (24 цаг танхим, цахим)
12. Чанарын менежментийн тогтолцооны дотоод аудитын сургалт (24 цаг танхим, цахим)
13. Хөрөнгө оруулалтын үр ашиг болон эрсдэлийн үнэлгээ
14. Бүтээгдэхүүний өртөг тооцох арга зүй
15. Нягтлан бодогчдод зориулсан мэргэжлийн сургалт
16. Эд хариуцагч, няравын чадавхжуулах сургалт
17. Хандлагын сэтгэл зүйн сургалт