“Эрдэнэт цогцолбор” дээд сургууль нь “Эрдэнэт үйлдвэр” ТӨҮГ-ын Чанарын хяналтын хэлтэстэй хамтран 2023 оны 05 сарын 03-ны өдрүүдээс 05 сарын 05-ны өдрүүдэд Чанарын менежментийн тогтолцоо ISO 9001:2015 стандартын сургагч багшийн танхимын сургалтыг зохион байгуулж байна.
ISO 9001 стандартын сургагч багшийн сургалт нь “Эрдэнэт үйлдвэр” ТӨҮГ-ын Чанар, стандарт, итгэмжлэлийн хөтөлбөрийг хэрэгжүүлэх 2022-2024 оны үйл ажиллагааны төлөвлөгөөнд тусгагдсаны дагуу Чанарын хяналтын хэлтэстэй зөвшилцсөний үндсэн дээр “Эрдэнэт цогцолбор” дээд сургуулийн Захирлын “Чанарын менежментийн тогтолцоо-Шаардлага MNS ISO 9001:2016 (ISO 9001:2015) стандартын сургагч багшийн сургалт зохион байгуулах тухай” А/59 дугаар тушаалаар 7 бүтцийн нэгжийн 27 ажилтан сургагч багшийн сургалтад хамрагдлаа.
Сургалтыг танхим цахим хосолсон хэлбэрээр зохион байгуулагдаж байгаа бөгөөд цаашид сургагч багшийн сургалтад хамрагдсан ажилтнууд “Эрдэнэт үйлдвэр” ТӨҮГ-ын бүтцийн нэгжүүдэд ISO 9001 стандартын талаар мэдлэг олгох сургалтад багшлан, үйлдвэрийн хэмжээнд стандартыг үр нөлөөтэй хэрэгжүүлэх удирдлага, арга зүйгээр хангаж ажиллах эрх зүйг бүрдүүлж байгаагаараа онцлог, ач холбогдолтой юм.
