“Эрдэнэт цогцолбор” дээд сургуулиас Чанарын хяналтын хэлтэстэй хамтран зохион байгуулсан ISO 9001 стандартын сургагч багшийн анхны сургалтад амжилттай хамрагдсан “Эрдэнэт үйлдвэр” ТӨҮГ-ын 22 инженер, техникийн ажилтан ISO 9001 стандартын СУРГАГЧ БАГШ-ийн гэрчилгээ гардан авлаа.
“Эрдэнэт үйлдвэр” ТӨҮГ-ын Чанар, стандарт, итгэмжлэлийн хөтөлбөрийг хэрэгжүүлэх 2022-2024 оны үйл ажиллагааны төлөвлөгөө, “Эрдэнэт цогцолбор” дээд сургуулийн захирлын 2023 оны 04 сарын 29-ний өдрийн “Чанарын менежментийн тогтолцоо-Шаардлага ISO 9001:2015 стандартын сургагч багшийн сургалт зохион байгуулах тухай” А/59 дүгээр тушаалын дагуу анх удаа зохион байгуулагдсан Чанарын менежментийн тогтолцоо ISO 9001 стандартын сургагч багш (Модуль 4.3) сургалтад үйлдвэрийн газрын 7 бүтцийн нэгжийн 27 инженер, техникийн ажилтнууд хамрагдсан. Сургалтад хөтөлбөрийн дагуу амжилттай хамрагдаж, шалгуур хангасан 22 инженер, техникийн ажилтан Чанарын менежментийн тогтолцоо ISO 9001:2015 стандартын сургагч багшийн гэрчилгээ гардан авсан.
Сургагч багшийн гэрчилгээ гардуулах үйл ажиллагаанд “Эрдэнэт цогцолбор” дээд сургуулийн зөвлөх, доктор /Ph.D/, профессор С.Давааням, Эрдэмтэн нарийн бичгийн дарга, доктор /Ph.D/ Д.Заяабаатар, Хүний хөгжлийн төвийн тэргүүлэх мэргэжилтэн Ч:Уранчимэг Чанарын хяналтын хэлтсийн Стандарт, чанарын товчооны тэргүүлэх мэргэжилтэн, доктор /Ph.D/ П.Баянмөнх, чанарын мэргэжилтэн Д.Шинэбаатар нар оролцож сургагч багш нарийн ISO 9001 стандартыг түгээн дэлгэрүүлэх, “Эрдэнэт үйлдвэр” ТӨҮГ-т стандартын үр нөлөөтэй хэрэгжилтийг хангах, зөвлөн туслах их үйлсэд нь амжилт хүсэн, баяр хүргэсэн.
