“Эрдэнэт цогцолбор” дээд сургуулийн шинэчилсэн Удирдах зөвлөлийн анхдугаар хурал 2024 оны 05 сарын 31-ний өдөр Эрдэнэт хотноо боллоо.
Удирдах зөвлөлийн хуралд ШУТИС-ийн ректор Т.Намнан, “Эрдэнэт үйлдвэр” ТӨҮГ-ын Ерөнхий инженер Т.Батмөнх, БШУЯ-ны Дээд боловсролын бодлогын удирдлага, зохицуулалтын газрын дарга Х.Тамир, Уул уурхай, хүнд үйлдвэрийн яамны Уул уурхайн бодлогын газрын дарга М.Мэндбаяр, “Эрдэнэт үйлдвэр” ТӨҮГ-ын Стратеги, хөгжлийн бодлогын газрын дарга П.Энхбат, Их, сургуулиудын хөрөнгийн менежментийн төв ТӨҮГ-ын захирлын үүрэг гүйцэтгэгч Ш.Бат-Эрдэнэ, ШУТИС-ийн санхүү, төлөвлөлт эрхэлсэн проректор Л.Баяр-Эрдэнэ, “Эрдэнэт үйлдвэр” ТӨҮГ-ын Хуулийн хэлтсийн дарга Х.Болдбаатар, “Эрдэнэт цогцолбор” дээд сургуулийн төгсөгчдийн холбооны ерөнхийлөгч Г.Сайн-Итгэл, “Эрдэнэт цогцолбор” дээд сургуулийн СШУТ-ийн ахлах багш Б.Оюун, “Эрдэнэт цогцолбор” дээд сургуулийн СШУТ-ийн багш Д.Цэгмид, “Эрдэнэт цогцолбор” дээд сургуулийн СМТ-ийн ахлах багш Б.Батгэрэл ,“Эрдэнэт цогцолбор” дээд сургуулийн Оюутны зөвлөлийн дарга Л.Ёндонпэрэнлэй нар танхим болон цахимаар оролцлоо.
Хурлын эхэнд БШУ-ны сайдын 2024 оны 04 дүгээр сарын 23-ны өдрийн А/188 дугаар тушаал, “Эрдэнэт цогцолбор” дээд сургуулийн Удирдах зөвлөлийг шинэчлэн байгуулах тухай, “Эрдэнэт үйлдвэр” ТӨҮГ-ын Ерөнхий захирлын 2024 оны 05 дугаар сарын 10-ны өдрийн А/230 дугаар тушаалыг тус тус танилцуулав.
“Эрдэнэт цогцолбор” дээд сургуулийн шинэчилсэн Удирдах зөвлөлийн анхдугаар хуралдаанд гишүүдийн 100 хувийн саналаар Удирдах зөвлөлийн даргаар “Эрдэнэт үйлдвэр” ТӨҮГ-ын Ерөнхий инженер Т.Батмөнх, удирдах зөвлөлийн дэд даргаар ШУТИС-ийн ректор Т.Намнан нарыг тус тус сонгож, нарийн бичгийн даргаар “Эрдэнэт цогцолбор” дээд сургуулийн Сургалтын албаны дарга Д.Болор-Эрдэнийг томилж, баталсан.
Хурлаар хэлэлцэх асуудлыг “Эрдэнэт цогцолбор” дээд сургуулийн захирал Д.Зоригтхүү танилцуулж, хэлэлцүүлснээр “Эрдэнэт цогцолбор” дээд сургуулийн 2024-2025 оны хичээлийн жилд оюутан элсүүлэх хяналтын тоо, 2024-2025 оны хичээлийн жилд мөрдөх сургалтын төлбөрийн болон бусад үйлчилгээний төлбөрийн тариф, 2024-2025 оны хичээлийн жилийн намрын улиралд хөлсөөр ажиллах гэрээт багш, ажилтнуудын кредитийн тооцоо, хичээлийн нэрсийг баталж, дэмжсэн байна.
