Эрдэнэт цогцолбор их сургуулийн “Эрдмийн чуулган 2026” эрдэм шинжилгээний хурлын салхийг хагалан, анх удаа Коосэн хөтөлбөрийн оюутны эрдэм шинжилгээний хурал 3-р сарын 26-ны өдөр амжилттай зохион байгуулагдлаа. “Эрдмийн чуулган 2026” Коосэн оюутны төрөлд нийт 12 илтгэл хэлэлцүүлснээс Х.Оюун-Эрдэнэ (Ph.D) багшийн удирдсан ХИ-3 ангийн оюутан М.Номин-Эрдэнэ, М.Хишигдэлгэр нарын “Уруул өнгөлөгчийн найрлага болон технологийн судалгаа” сэдэвт илтгэл Тэргүүн байр эзэллээ. Дэд байранд Э.Отгонцэцэг багшийн удирдсан ЦИ-1 ангийн оюутан Э.Ананд М.Энхцацрал, Б.Ариунтунгалаг нарын “Харааны бэрхшээлтэй хүмүүст зориулсан ухаалаг таягийн хөгжүүлэлтийн судалгаа”, Гутгаар байранд Н.Елдос багшийн удирдсан ЦИ-3 ангийн оюутан Б.Чандмаа, Т.Цолмон-Эрдэнэ, А.Тэмүүлэн нарын “Микроконтроллер дээр суурилсан ухаалаг залгуурын системийн шийдэл, хэрэгжүүлэлт” сэдэвт бүтээл тус тус байр эзэллээ.
Эрдмийн чуулганд оролцсон нийт илтгэгчдэдээ цаашдын сурлага хөдөлмөр, судалгааны ажилд нь амжилт хүсье.
