Япон улсын Акита мужийн их сургууль, “Эрдэнэт цогцолбор” дээд сургууль хооронд анх удаа хэрэгжих ОЮУТАН СОЛИЛЦОО хөтөлбөрт “Эрдэнэт цогцолбор” дээд сургуулийн 5 оюутан, багшийн хамт 2023 оны 07 сарын 04-18 өдрүүдэд Акита мужийн их сургуульд богино хугацааны дадлага хийнэ.
Оюутан солилцооны хөтөлбөрийн хүрээнд оюутнууд тус сургуулийн Акита, Хонжо кампусуудаар зочилж англи хэл дээр явагдах хичээлд хамрагдах, япон оюутнуудтай хамтарсан судалгаа хийх, орон нутгийн уул уурхай, хог дахин боловсруулах үйлдвэрт судалгаа хийх, мөн Акита сургуулийн оюутны клубийн соёл, урлагийн арга хэмжээнд оролцох, орон нутгийн аялал хийх зэрэг япон орны соёл, амьдралтай танилцах 14 хоногийн хөтөлбөрт хамрагдах юм.
Уг хөтөлбөрийг амжилттай хэрэгжүүлснээр зөвхөн оюутан солилцоо хөтөлбөрөөр хязгаарлагдахгүй 2 сургуулийн багш, оюутны мэргэжил дээшлүүлэлт, хамтран судалгаа хийх зэрэг олон талт хамтын ажиллагааг өргөжүүлэх эхлэл болж байна.
.jpg)
.png)
.jpg)
