“Эрдэнэт цогцолбор” дээд сургуулийн Нягтлан бодох бүртгэлийн тэнхимээс Олон улсын Нягтлан бодогчдын өдрийг тохиолдуулан “Нягтлан бодох бүртгэл” хөтөлбөрөөр суралцаж буй бакалаврын өдрийн ангийн суралцагчдын дунд спортын 5 төрлийг оролцуулсан буухиа тэмцээнийг 2023 оны 11 дүгээр сарын 10-ны өдөр зохион байгууллаа.
Оюутан залуус сагсан бөмбөгийн холын болон дундын зайн чөлөөлт шидэлт, олс таталт, Х,О тоглоом, савтай ус тогтоох, холимог буухиа тэмцээн зэрэг төрлүүдээр өрсөлдлөө. Уг тэмцээн нь оюутан залуусын чөлөөт цагийг зөв боловсон, үр дүнтэй өнгөрүүлэх, хөтөлбөрөөр суралцаж буй оюутнуудыг танилцуулах, багийн хамтач ажиллагааг нэмэгдүүлэх, Олон улсын Нягтлан бодогчдын өдрийг оюутан, суралцагчдад таниулах зорилгоор зохион байгуулагдсан болно. Тэмцээнд тус хөтөлбөрөөр суралцаж буй 50 гаруй оюутнууд анги, курс харгалзахгүйгээр 8 гишүүнтэй баг болон өрсөлдсөнөөс тэргүүн байрыг Э.Мөнх-Учрал ахлагчтай баг, дэд байрыг Б.Мөнх-Оргил ахлагчтай ба, гутгаар байрыг Ч.Бат-Оргил ахлагчтай багууд тус тус эзэллээ.
Тэнхимийн зүгээс оюутан залуустай цаашид тэднийг хөгжүүлэх, хамтын ажиллагааг сайжруулахад чиглэсэн урлаг, спорт, мэргэжил, танин мэдэхүйн төрөл бүрийн арга хэмжээг зохион байгуулах талаар санал солилцож, 2023 оны 12 дугаар сард 3 хоногийн хөтөлбөр сурталчлах аяныг зохион байгуулахаар боллоо.
