Орхон аймгийн онцгой байдлын газрын гамшгаас хамгаалах улсын хяналтын байцаагчийн 2024 оны 03 дугаар сарын 20-ны өдрийн 04/11 дугаар бүхий албан мэдэгдлийн дагуу дараах арга хэмжээг зохион байгуулж явууллаа. Үүнд:
- Гамшгаас хамгаалах төлөвлөгөөг тодотгож, мэргэжлийн ангийн бүрэлдэхүүний бэлтгэл, бэлэн байдлыг хангуулан, томилгоожуулалтыг тодотгон ажиллаа.
- Мэргэжлийн ангийн гамшгийн үед ашиглах багаж хэрэгслийн бэлэн байдлыг шалгаж баталгаажуулсан.
- Монгол улсын үндэсний аюулгүй байдлын зөвлөлийн нарийн бичгийн даргын 2011 оны 03 дугаар сарын 21-ний өдрийн 08 захирамжаар баталсан хүн нэг бүрийн анхан шатны тусламжийн үүргэвчинд байвал зохих зүйлсийн жагсаалтын иж бүрдлийг шалгаж, зохих түвшинд ханган ажиллаа.
- Газар хөдлөлтийн аюулаас урьдчилан сэргийлэх, бэлэн байдлыг хангах талаар хичээлийн 2-р байрны нийт оюутнуудад Гал түймэр унтраах, аврах 58-р ангийн Ангиллын сургалт, сурталчилгаа, урьдчилан сэргийлэх асуудал хариуцсан мэргэжилтэн, ахмад Б.Ганзоригоор сургалт, лекц уншсан.
- 2024 оны 03 дугаар сарын 28-ны өдөр зохион байгуулсан сургалтын үеэр зарлан мэдээллийн дохиогоор ажиллахдаа “гүйхгүй, эргэж буцахгүй, нэгнээ түлхэхгүй” гэсэн дүрмийг сануулсан.
- Жижүүрүүд түгшүүрийн дохиогоор аваарийн хаалга онгойлголоо.
- 2024 оны 03 дугаар сарын 28-ны өдөр Онцгой байдлын газрын 71101 дугаарт зарлан мэдээлэл, сургуулилтын оролцооны талаарх мэдээг өгсөн болно.
- Гэрээт гал түймэр унтраах, аврах 58-р ангийн гал түймрийн улсын хяналтын байцаагч, ахмад Х.Ганбат хяналт тавин ажилласан.
